ຮ້ານຄ້າ ແລະ ຕູ້ ATM ໃດແດ່ໃນຕ່າງປະເທດທີ່ສາມາດໃຊ້ບັດຢູນຽນເພໄດ້?

ປະຈຸບັນເຄືອຂ່າຍຢູນຽນເພ ໄດ້ຂະຫຍາຍ ໄປຫຼາຍປະເທດ ແລະ ຂົງເຂດໃນຕ່າງປະເທດ, ລວມທັງ ຮົງກົງ, ມາກາວ, ໄຕ້ຫວັນ, ຍີ່ປຸ່ນ, ເກົາຫຼີ, ສິງກະໂປ, ມາເລເຊຍ, ໄທ, ອົດສະຕຣາລີ, ນິວຊີແລນ, ສະຫະລັດອາເມລິກາ, ຝຣັ່ງ, ເຢຍລະມັນ, ອັງກິດ ແລະ ສະວິດເຊີແລນ.

ໃນປະເທດ ແລະ ພາກພືຶ້ນເຫຼົ່ານີ້, ເນື່ອງຈາກຕູ້ ATM ແລະ ຮ້ານຄ້າໄດ້ເຊື່ອມຕໍ່ ເຂົ້າກັບເຄືອຂ່າຍຢູນຽນເພ ເປັນແຕ່ລະໄລຍະ, ດັ່ງນັ້ນບໍ່ແມ່ນທຸກຕູ້ ATM ແລະ ເຄື່ອງ POS ຈະສາມາດຮັບບັດຢູນຽນເພໄດ້. ຖ້າຕູ້ ATM ຫຼື ເຄື່ອງ POS ໃນຕ່າງປະເທດມີສັນຍາລັກຢູນຽນເພຕິດຢູ່, ສະແດງວ່າສາມາດໃຊ້ບັດຢູນຽນເພໄດ້ຢ່າງແນ່ນອນ. ເນື່ອງຈາກອິດທິພົນຂອງຮີດຄອງປະເພນີທ້ອງຖິ່ນ ຫຼື ປັດໄຈອື່ນໆ, ບາງຮ້ານຄ້າ ໃນຕ່າງປະເທດ (ເຊັ່ນ ສະຫະລັດອາເມລິກາ) ອາດຈະຍັງບໍ່ທັນໄດ້ຕິດສັນຍາລັກຢູນຽນເພ, ຜູ້ຖືບັດສາມາດສອບຖາມ ພະນັກງານເກັບເງິນວ່າສາມາດໃຊ້ບັດຢູນຽນເພຊໍາລະໄດ້ ຫຼື ບໍ່.

ບາງຕູ້ ATM ໃນຕ່າງປະເທດທີ່ສາມາດ ຮັບບັດຢູນຽນເພໄດ້, ເນື່ອງຈາກຮີດຄອງ ປະເພນີທ້ອງຖິ່ນ, ສັນຍາລັກຢູນຽນເພ ອາດຈະສະແດງຢູ່ເທິງໜ້າຈໍເທົ່ານັ້ນ (ເຊັ່ນ ເອີຣົບ), ຜູ້ຖືບັດຄວນເອົາໃຈໃສ່ສັງເກດ ເປັນພິເສດ. ນອກນີ້, ຕູ້ ATM ຢູນຽນເພໃນບາງປະ ເທດອາດຈະຕ້ອງໄດ້ຮັບການກໍານົດໂດຍຜ່ານສັນຍາລັກຂອງທະນາຄານ, ຜູ້ຖືບັດ ສາມາດຄົ້ນຫາຄໍາແນະນໍາການໃຊ້ບັດໃນແຕ່ລະປະເທດພາຍໃນ "ປະເທດ ແລະ ພາກພືຶ້ນ".

ວິທີການໃຊ້ບັດຢູນຽນເພໃນຕ່າງປະເທດ ມີຄືແນວໃດ?

ເພື່ອໃຫ້ເໝາະສົມກັບຄວາມຄຸ້ຍເຄີຍການບໍລິໂພກຂອງຄົນຈີນ, ໃນປະເທດໄທ, ສິງກະໂປ, ເກົາຫຼີ ແລະ ຍີ່ປຸ່ນ, ຕູ້ ATM ສ່ວນໃຫຍ່ທີ່ສາມາດຮັບບັດຢູນຽນເພໄດ້ ແມ່ນລ້ວນແຕ່ໄດ້ເພີ່ມພາສາຈີນໃນໜ້າຈໍປະຕິບັດການ. ເຄື່ອງ POS ສ່ວນໃຫຍ່ໃນຕ່າງປະເທດ ທີ່ເຊື່ອມຕໍ່ກັບເຄືອຂ່າຍຢູນຽນເພສາກົນ ລ້ວນແຕ່ມີແປ້ນພິມລະຫັດຜ່ານ, ທ່ານສາມາດເຮັດໄດ້ຄືກັນກັບຢູ່ພາຍໃນປະເທດ, ໂດຍການຮູດບັດກ່ອນ, ຈາກນັ້ນໃສ່ລະຫັດຜ່ານ; ຖ້າບໍ່ມີລະຫັດຜ່ານ, ກະລຸນາ ກົດປຸ່ມຢືນຢັນໂດຍກົງ, ຫຼື ໃສ່ຕົວເລກ 6 ຕົວໃດກໍໄດ້ພາຍໃຕ້ການຊີ້ນໍາຂອງພະນັກງານເກັບເງິນ ແລະ ກົດປຸ່ມຢືນຢັນ (ເຊັ່ນ ເມື່ອໃຊ້ໃນເຢຍລະມັນ, ສະວິດເຊີແລນ ແລະ ອື່ນໆ). ໃນບາງປະເທດ (ເຊັ່ນ ສະຫະລັດອາເມ ລິກາ, ເກົາຫຼີ ແລະ ອື່ນໆ), ຖ້າເຄື່ອງ POS ບໍ່ມີແປ້ນພິມລະຫັດຜ່ານ, ແມ່ນບໍ່ ຈໍາເປັນຕ້ອງໃສ່ລະຫັດຜ່ານກໍສາມາດເຮັດທຸລະກໍາໄດ້ສໍາເລັດ.

ຕໍ່ມາ ເມື່ອໃຊ້ບັດຢູນຽນເພໃນຕ່າງປະເທດ, ນໍາໃຊ້ວິທີການບໍລິໂພກ ດ້ວຍສະ ກຸນເງິນທ້ອງຖິ່ນ ແລະ ຊໍາລະສະສາງເປັນ ເງິນຢວນຈີນ. ຢູນຽນເພສາກົນ ຈະໃຊ້ອັດຕາແລກປ່ຽນ ຂອງຢູນຽນເພ ໃນມື້ນັ້ນເພື່ອປ່ຽນຈໍານວນເງິນທຸລະກໍາທ້ອງຖິ່ນເປັນຢວນຈີນ ແລະ ຫັກຈາກບັນຊີ, ເຊິ່ງຈະເຮັດໃຫ້ຜູ້ຖື ບັດໄດ້ຮັບສ່ວນຫຼຸດຫຼາຍຂຶ້ນ. ການໃຊ້ບັດເດບິດຢູນຽນເພ, ເມື່ອໃດທີ່ ຍອດເງິນໃນບັນຊີຢວນຈີນຂອງທ່ານພຽງພໍ, ທ່ານກໍບໍ່ຕ້ອງກັງວົນກ່ຽວກັບບັນຫາ ວົງເງິນສິນເຊື່ອທີ່ເປັນເລື່ອງເຂີນ.

ບັດໃດແດ່ທີ່ສາມາດໃຊ້ເຄືອຂ່າຍຢູນຽນເພໃນຕ່າງປະເທດໄດ້?

ກ່ອນອື່ນ, ຜູ້ຖືບັດຕ້ອງໂທຫາສູນບໍລິ ການລູກຄ້າຢູນຽນເພ 95516 ຫຼື ສູນບໍລິການລູກຄ້າຂອງທະນາຄານຜູ້ອອກບັດ ເພື່ອຢືນຢັນວ່າບັດຂອງທ່ານໄດ້ເປີດໃຊ້ບໍລິການທຸລະກໍາຕ່າງປະເທດແລ້ວ ຫຼື ຍັງ. ສໍາລັບບັດທີ່ເປີດໃຊ້ງານທຸລະກໍາຕ່າງປະ ເທດ ແລະ ມີສັນຍາລັກຢູນຽນເພ, ລວມ ທັງບັດເດບິດ, ບັດເຄຣດິດ ແລະ ບັດເຊັມມິເຄຣດິດ (SemiCreditCard) ລ້ວນແຕ່ສາມາດໃຊ້ໄດ້ ໃນເຄືອຂ່າຍຮັບ ບັດຢູນຽນເພໃນຕ່າງປະເທດ. 

ມີຫຍັງທີ່ຕ້ອງເອົາໃຈໃສ່ເປັນພິເສດເມື່ອ ໃຊ້ບັດສອງສັນຍາລັກໃນຕ່າງປະເທດ?

ທຸລະກໍາຂອງບັດສອງສັນຍາລັກ (ໝາຍ ເຖິງບັດທີ່ມີສັນຍາລັກ "ຢູນຽນເພ" ແລະ ສັນຍາລັກຂອງອົງກອນບັດອື່ນໆ) ສາມາດເຮັດທຸລະກໍາຜ່ານເຄືອຂ່າຍຢູນຽນເພ ຫຼື ເຄືອຂ່າຍອື່ນໆ. ຢູນຽນເພສາກົນຈະໃຊ້ອັດຕາແລກປ່ຽນ ຂອງຢູນຽນເພໃນມື້ນັ້ນເພື່ອປ່ຽນຈໍານວນເງິນທຸລະກໍາທ້ອງຖິ່ນເປັນຢວນຈີນ ແລະ ຫັກຈາກບັນຊີ. ດັ່ງນັ້ນໃນກໍລະນີສ່ວນຫຼາຍ, ການໃຊ້ເຄືອ ຂ່າຍຢູນຽນເພຈະມີສ່ວນຫຼຸດຫຼາຍ ຂຶ້ນສໍາ ລັບຜູ້ຖືບັດ. ຜູ້ຖືບັດຄວນແຈ້ງພະນັກງານເກັບເງິນໃຫ້ ໃຊ້ເຄືອຂ່າຍຂອງຢູນຽນເພ ກ່ອນທີ່ ຈະຮູດບັດ, ເພື່ອຮັບປະກັນວ່າຈະໄດ້ຮັບ ສ່ວນຫຼຸດຈາກບັດຢູນຽນເພ.

ຢູນຽນເພສາກົນໄດ້ເປີດໃຊ້ບໍລິການໂທ ລະສັບໃນປະເທດ ແລະ ຂົງເຂດໃດແດ່?

ຢູນຽນເພສາກົນ ໄດ້ເປີດໃຊ້ບໍລິ ການໂທລະສັບໃນຫຼາຍປະເທດ ແລະ ຂົງເຂດນອກຈາກແຜ່ນດິນໃຫຍ່ຈີນ, ລວມທັງ ຮົງກົງ, ເກົາຫຼີ, ຍີ່ປຸ່ນ, ຝຣັ່ງ, ສິງກະໂປ, ໄທ, ເຢຍລະມັນ, ສະຫະລັດອາເມລິກາ, ມາກາວ, ມາເລເຊຍ, ອົດສະຕຣາລີ, ນິວຊີແລນ, ສະວິດເຊີແລນ ແລະ ອີຕາລີ ເປັນຕົ້ນ. ເບີໂທລະສັບບໍລິການ ຂອງແຕ່ລະປະເທດ ແລະ ຂົງເຂດແມ່ນ ແຕກຕ່າງກັນ, ລາຍລະອຽດເບິ່ງໜ້າເວັບ "ເບີໂທລະ ສັບບໍລິການຢູນຽນເພສາກົນຕ່າງປະເທດ".

ຖ້າພົບບັນຫາສຸກເສີນເມື່ອໃຊ້ບັດຢູ່ຕ່າງ ປະເທດຄວນເຮັດແນວໃດ?

ຖ້າບັດທະນາຄານຢູ່ຕ່າງປະເທດເສຍ, ຕ້ອງລາຍງານບັດເສຍທັນທີກັບທະນາຄານຜູ້ອອກບັດໃນປະເທດ, ເມື່ອກັບ ຄືນປະເທດແລ້ວທະນາຄານຈະອອກບັດໃໝ່ໃຫ້ທ່ານ.

ຖ້າຜູ້ຖືບັດເຄຣດິດຢູນຽນເພເສຍບັດ ຢູ່ຕ່າງປະເທດ ແລະ ຕ້ອງການໃຊ້ເງິນສົດເປັນກໍລະນີສຸກເສີນ, ສາມາດສະເໜີ ຂໍໃຊ້ບໍລິການເງິນສົດສຸກເສີນຂອງຢູນຽນເພໄດ້. ຜູ້ຖືບັດສາມາດໂທຫາເບີໂທລະສັບບໍລິ ການສາຍດ່ວນຂອງຢູນຽນເພ ໃນທ້ອງຖິ່ນເພື່ອສອບຖາມຈຸດບໍລິການ ແລະ ຂັ້ນຕອນການຖອນເງິນສົດສຸກເສີນ. ກະລຸນາເບິ່ງລາຍລະອຽດເພີ່ມ ເຕີມໃນໜ້າເວັບ "ບໍລິການຊ່ວຍເຫຼືອເງິນສົດສຸກເສີນສໍາລັບບັດຢູນຽນເພໃນຕ່າງປະເທດ".

ເມື່ອ ATM ເກີດຂໍ້ຜິດພາດ, ຜູ້ຖືບັດດໍາເນີນການຜິດພາດ ຫຼື ລືມເອົາບັດ, ATM ຈະກືນບັດ. ຫຼັງຈາກບັດຕິດ, ກະລຸນາຖືເອກະສານຢັ້ງຢືນຕົວຕົນທີ່ຖືກຕ້ອງ (ເຊັ່ນ: ໜັງສືຜ່ານແດນ) ແລະ ຕິດຕໍ່ທະນາຄານທີ່ເປັນເຈົ້າຂອງ ATM ທີ່ກືນບັດໂດຍໄວເທົ່າທີ່ຈະໄວໄດ້ເພື່ອຂໍຄວາມຊ່ວຍເຫຼືອໃນການແກ້ໄຂບັນຫາ. ຖ້າບັດຖືກທໍາລາຍ, ຜູ້ຖືບັດຕ້ອງສະເໜີຂໍອອກບັດໃໝ່ຈາກທະນາຄານຜູ້ອອກບັດຫຼັງຈາກກັບຄືນປະເທດ.

ເປັນຫຍັງບັດເຄຣດິດທີ່ບໍ່ມີລະຫັດຜ່ານ ຈຶ່ງບໍ່ສາມາດເຮັດທຸລະກໍາໄດ້ໂດຍການກົດປຸ່ມ "Enter" ໂດຍກົງ ແລະ ພະນັກງານ ເກັບເງິນຮຽກຮ້ອງໃຫ້ໃສ່ລະຫັດຜ່ານ ເມື່ອໃຊ້ໃນບາງພື້ນທີ່ໃນຕ່າງປະເທດ?

ເມື່ອໃຊ້ບັດເຄຣດິດຢູນຽນເພ ທີ່ບໍ່ມີລະຫັດຜ່ານໃນບາງພື້ນທີ່ໃນຕ່າງປະເທດ, ເນື່ອງຈາກຂໍ້ກໍານົດການກວດກາຂອງຂະແໜງການທ້ອງຖິ່ນ ຫຼື ຂໍ້ຈໍາກັດຂອງລະ ບົບ, ຜູ້ຖືບັດຈະຖືກຮຽກຮ້ອງໃຫ້ໃສ່ຕົວ ເລກ 4 ຫຼື 6 ຕົວເລກຕາມໃຈໃດກໍໄດ້ ແລະ ກົດປຸ່ມ "Enter" ເພື່ອເຮັດທຸລະ ກໍາໃຫ້ສໍາເລັດ (ກໍລະນີ DummyPIN). ໃນບາງພື້ນທີ່, ເພື່ອຄວາມສະດວກ, ພະນັກງານເກັບເງິນຈະບອກໃຫ້ຜູ້ຖືບັດ ໃສ່ເລກ "0" ຈໍານວນ 6 ຕົວ. ນີ້ແມ່ນຂັ້ນຕອນປົກກະຕິ, ຜູ້ຖືບັດຄວນ ເຮັດທຸລະກໍາໃຫ້ສໍາເລັດພາຍໃຕ້ການຊີ້ນໍາຂອງພະນັກງານເກັບເງິນ.

ເມື່ອໃຊ້ບັດເຄຣດິດຢູນຽນເພທີ່ບໍ່ມີລະ ຫັດຜ່ານເພື່ອຊໍາລະເງິນ, ການໃສ່ຕົວເລກ 4 ຫຼື 6 ຕົວເລກຕາມໃຈໃດກໍໄດ້ເປັນ ລະຫັດຜ່ານ ແລະ ທຸລະກໍາສໍາເລັດ. ວິທີການນີ້ຈະສົ່ງຜົນກະທົບຕໍ່ການນໍາໃຊ້ ບັດເຄຣດິດຢູນຽນເພ ທີ່ບໍ່ມີລະຫັດຜ່ານ ຕໍ່ໄປນີ້ຈະມີຜົນກະທົບໃດແດ່?

ຈະບໍ່ມີຜົນກະທົບໃດໆ. ສຳລັບບັດເຄຣດິດທີ່ບໍ່ມີລະຫັດຜ່ານ, ເຖິງແມ່ນວ່າຈະໃສ່ຕົວເລກໃດກໍຕາມເປັນລະຫັດຜ່ານ, ທະນາຄານຜູ້ອອກບັດຈະ ບໍ່ດໍາເນີນການປະເມີນໃດໆຕໍ່ກັບລະຫັດຜ່ານໃນເວລາອະນຸມັດ, ສະນັ້ນ ມັນຈະບໍ່ມີຜົນກະທົບຕໍ່ການນໍາໃຊ້ຄັ້ງຕໍ່ໄປຂອງຜູ້ຖືບັດ.

ປະຈຸບັນຍັງມີປະເທດໃດແດ່ທີ່ບັດເຄຣດິດທີ່ບໍ່ມີລະຫັດຜ່ານບໍ່ສາມາດໃຊ້ງານໄດ້ໂດຍກົງໂດຍການກົດປຸ່ມ "Enter" ເພື່ອເຮັດທຸລະກໍາໃຫ້ສໍາເລັດ (DummyPIN)?

ມາຮອດເດືອນ 8 ປີ 2013, ບັນຫາ DummyPIN ຍັງຄົງມີຢູ່ໃນບາງປະເທດ ເຊັ່ນ: ເກົາຫຼີໃຕ້, ສິງກະໂປ, ຣັດເຊຍ, ເຢຍລະມັນ, ສະວິດເຊີແລນ ແລະ ອື່ນໆ.

ຖ້າພົບບັນຫາ DummyPIN ດັ່ງກ່າວ, ຫຼັງຈາກໃສ່ຕົວເລກໃດກໍ່ໄດ້ເປັນລະຫັດຜ່ານແລ້ວ ຍັງຈໍາເປັນຕ້ອງເຊັນຊື່ຕື່ມອີກບໍ? ຖ້າເກີດການສໍ້ໂກງທາງທຸລະກໍາ ແມ່ນຈະອີງໃສ່ລະຫັດຜ່ານ ຫຼື ລາຍເຊັນເປັນບ່ອນອີງ ເພື່ອພິສູດວ່າເປັນທຸລະກໍາຂອງຜູ້ຖືບັດຕົວຈິງ?

ຍັງຈໍາເປັນຕ້ອງເຊັນຊື່ຕື່ມອີກ, ນໍາໃຊ້ລາຍເຊັນເພື່ອພິສູດວ່າເປັນທຸລະກໍາຂອງຜູ້ຖືບັດຕົວຈິງ ຫຼື ບໍ່.

ຖ້າໃຊ້ບັດຢູນຽນເພຂອງຈີນ ເພື່ອຖອນເງິນຈາກຕູ້ ATM ໃນທ້ອງຖິ່ນ, ເງິນຖືກຫັກແລ້ວ ແຕ່ບໍ່ໄດ້ຮັບເງິນ ຄວນເຮັດແນວໃດ?

ຖ້າພົບກໍລະນີນີ້, ກະລຸນາຕິດຕໍ່ທະນາຄານຜູ້ອອກບັດ ເພື່ອຍົກເລີກທຸລະກໍາ, ທະນາຄານຜູ້ອອກບັດຈະຕິດຕໍ່ທະນາຄານເຈົ້າຂອງຕູ້ ATM ຜ່ານທາງຢູນຽນເພ. ຫຼັງຈາກການກວດສອບ ແລະ ຢືນຢັນແລ້ວ, ເງິນທີ່ຖືກຫັກຈະຖືກໂອນຄືນເຂົ້າບັນຊີທະນາຄານຂອງຜູ້ຖືບັດ.